ჩოუ
NPLG Wiki Dictionaries გვერდიდან
ჩოუ – ჩინური ტრადიციული თეატრის კომიკური პერსონაჟი. ჩამოყალიბდა სუნის ეპოქის თეატრში (X-XIII სს.). ჩოუს ამპლუა გულისხმობს მეორეხარისხოვანი საყოფაცხოვრებო ტიპის როლების შესრულებას. ჩოუ იყოფა სამხედრო და სამოქალაქო პერსონაჟებად. იგი არ ასრულებს ვოკალურ პარტიებს, მისი დიალოგები და მონოლოგები ხშირად აგებულია იმპროვიზაციაზე, ახასიათებს უბრალოება და გულუბრყვილობა, იუმორი უხეში და არამახვილგონივრული. მისი გრიმის განმასხვავებელი თავისებურებაა სახეზე თეთრი ლაქა.