ჰიდროლოკაციური სადგური
ჰიდროლოკაციური სადგური - ჰიდროაკუსტიკური სადგურის ნაირსახეობა. რადიოელექტრონული აპარატურის კომპლექსი, რომლის დანიშნულებაა წყალზე და წყალქვეშა ობიექტებზე ინფორმაციის მიღება მათგან არეკლილი ჰიდროაკუსტიკური სიგნალის საშუალებით.
ჰიდროლოკაციური სადგური გამოიყენება საზღვაო მიზნების (ობიექტების) აღმოსაჩენად, კლასიფიკაციისათვის, მოძრაობის კოორდინატების და პარამეტრების განსაზღვრისათვის, საწყისი მონაცემების მიღების და იარაღის მართვის სისტემებში გადაცემისათვის, ნაოსნობის ნავიგაციური უსაფრთხოების უზრუნველყოფისათვის და სხვა.
ჰიდროლოკაციური სადგურები იყოფა: დაყენების ადგილის მიხედვით - სახომალდე, საავიაციო, სტაციონარულ და პოზიციურ სადგურებად;
ხედვის ხერხების მიხედვით არის: დისკრეტული გარემოს ბიჯური, უწყვეტი წრიული და სექტორული თვალთვალის. შეიძლება იყოს ჩასაშვები, ბუქსირებადი და ავტონომიური.
ჰიდროლოკატორის ნაირსახეობას წარმოადგენენ ეხოლოტები და ეხოყინულმზომები.
