ჰიდრავლიკური ენერგია
NPLG Wiki Dictionaries გვერდიდან
ენერგია ჰიდრავლიკური − განახლებადი ენერგიის სახეობა, ენერგეტიკის დარგი, რომელიც ემსახურება წყლის ნაკადების პოტენციური (ზოგჯერ კინეტიკურისაც) ენერგიის გარდაქმნას ელექტროენერგიად. ამ პროცესისათვის საჭიროა ჰიდროელექტროსადგურის მშენებლობა მდინარეზე და ერთდროულად კაშხლისა და წყალსაცავის მოწყობა. ამჟამად, ერთ სულ მოსახლეზე წარმოებული ელექტროენერგიის მიხედვით საუკეთესო მაჩვენებლები აქვთ ნორვეგიას, ისლანდიასა და კანადას.