ხარაზიშვილი გიორგი

ხარაზიშვილი გიორგი კონსტანტინეს ძე (1.VI.1875 -?) - იურისტი.

საქართველოს დემოკრატიული რესპუბლიკის სენატის წევრი. უმაღლესი იურიდიული განათლება მოსკოვის უნივერსიტეტის იურიდიულ ფაკულტეტზე მიიღო. წლების განმავლობაში მუშაობდა ქუთაისის საოლქო სასამართლოს პროკურორად. 1919 წლის 13 დეკემბერს დამფუძნებელმა კრებამ აირჩია სისხლის სამართლის საკასაციო დეპარტამენტის სენატორად. სხვა ბიოგრაფიული მონაცემები უცნობია.

ბექა ქანთარია

ლიტერატურა

ბ. ქანთარია, საქართველოს უზენაესი სასამართლოს სათავეებთან (1919-1921). თბ., 2004.

წყარო

საქართველოს დემოკრატიული რესპუბლიკა (1918-1921) ენციკლოპედია-ლექსიკონი