ღია ზღვა
NPLG Wiki Dictionaries გვერდიდან
ღია ზღვა - საზღვაო სივრცე, რომელიც არ ექვემდებარება რომელიმე სახელმწიფოს სუვერენიტეტს. ის არის ტერიტორიული, არქიპელაგური და შიდა წყლების ფარგლებს გარეთ, რომლითაც ყველა ქვეყანა სარგებლობს. ზოგჯერ უწოდებენ საერთაშორისო ან ნეიტრალურ წყლებს, მაგრამ ეს ტერმინები არ დამკვიდრდა საერთაშორისო სამართალში.
ღია ზღვის გამოყენებას საფუძვლად უდევს მისი თავისუფლების (ნაოსნობის, ფრენის, თევზჭერის, მეცნიერული კვლევის, წყალქვეშა კომუნიკაციებისა და ხელოვნური კუნძულების აგების თავისუფლება) პრინციპი.