უთაბაშირო პორტლანდცემენტი

NPLG Wiki Dictionaries გვერდიდან
გადასვლა: ნავიგაცია, ძიება

უთაბაშირო პორტლანდცემენტი — პორტლანდცემენტი, რომლის შედგენილობაში არ შედის თაბაშირი. გამოიყენება ზამთარში, უარყოფით ტემპერატურაზე რკინაბეტონის კონსტრუქციების დასამზადებლად. უთაბაშირო პორტლანდცემენტი იკვრება რამდენიმე წუთში. შეკვრის ვადების დარეგულირებისათვის პორტლანდცემენტის წმინდად დაფქულ კლინკერში შეჰყავთ ორგანულ-მინერალური დანამატის კომპლექსი, რომელიც შეიცავს, როგორც წესი, ორ კომპონენტს: სულფიდოსაფუარის ბარდას ან სუპერპლასტიფიკატორს და ტუტე ლითონის კარბონატს ან სილიკატს. პირველი კომპონენტი ანელებს შეკვრის ვადას და ახდენს ბეტონის ნარევის პლასტიფიცირებას, მეორე კი ბეტონის გამაგრების კატალიზატორია და უზრუნველყოფს ბეტონის გამაგრებას უარყოფით ტემპერატურაზე (ამცირებს წყალხსნარის გაყინვის წერტილს). ჩვეულებრივ ცემენტიან ბეტონში პოტაში (K2CO3) ნაწილობრივ უკავშირდება თაბაშირს და ამიტომ საჭირო ხდება მისი რაოდენობის მნიშვნელოვანი გაზრდა, რაც რამდენადმე აუარესებს ბეტონის სტრუქტურასა და მის სიმტკიცეს. უთაბაშირო ცემენტში კი გამოიყენება კარბონატების მინიმალური დოზა, რომელიც აუცილებელია უარყოფით ტემპერატურაზე გამაგრებისათვის და რომელიც ბეტონის მკვრივ სტრუქტურასა და მაღალ სიმტკიცეს უზრუნველყოფს. უთაბაშირო პორტლანდცემენტი სწრაფადშეკვრადი და სწრაფმაგრებადი ცემენტია. ის ხასიათდება დაბალი წყალმოთხოვნით რაც საშუალებას იძლევა დავამზადოთ დაბალი წ/ც ფარდობისა და მაღალი სიმტკიცის ბეტონი.



წყარო

სამშენებლო ენციკლოპედიური ლექსიკონი

მოძიებულია „https://www.nplg.gov.ge/wikidict/index.php?title=%E1%83%A3%E1%83%97%E1%83%90%E1%83%91%E1%83%90%E1%83%A8%E1%83%98%E1%83%A0%E1%83%9D_%E1%83%9E%E1%83%9D%E1%83%A0%E1%83%A2%E1%83%9A%E1%83%90%E1%83%9C%E1%83%93%E1%83%AA%E1%83%94%E1%83%9B%E1%83%94%E1%83%9C%E1%83%A2%E1%83%98&oldid=170490“-დან
პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები