საოკეანო სტრატეგია
NPLG Wiki Dictionaries გვერდიდან
საოკეანო სტრატეგია - ამერიკის შეერთებული შტატების ერთ-ერთი სტრატეგიული კონცეფცია, რომელიც 70-იანი წლების დამდეგს შემუშავდა; შეკავების პოლიტიკის შემადგენელი ნაწილი.
„საოკეანო სტრატეგია“-ის მთავარი მიზანი იყო ამერიკის შეერთებული შტატების გლობალური სამხედრო ინტერესების დაცვა მსოფლიოს ძირითად რეგიონებში სამხედრო-საზღვაო ძალების მეშვეობით. ამ მიზნის მისაღწევად იგეგმებოდა სტრატეგიული ბირთვული ძალების ძირითადი სიმძლავრის გადატანა კონტინენტიდან მსოფლიო ოკეანის სივრცეებზე. ასევე – ბალისტიკური რაკეტებით აღჭურვილი ატომური წყალქვეშა ნავების წილის გადიდება ამ ძალების შემადგენლობაში, სამხედრო-საზღვაო ძლიერების გამოყენება ამერიკის შეერთებული შტატების მთავრობის საგარეო-პოლიტიკური კურსის სამხედრო მხარდაჭერისთვის.