საკურთხისის წმინდა გიორგის ეკლესია
NPLG Wiki Dictionaries გვერდიდან
საკურთხისის წმინდა გიორგის ეკლესია, უმზეურა - არქიტექტურული ძეგლი მდებარეობს, საქართველოში, შიდა ქართლის მხარეში, კასპის მუნიციპალიტეტში, სოფელ წინარეხილიდან 10 კმ-ზე, ნასოფლარ საკურთხისის სამხრეთით 300-400 მ-ზე. სტილისტური ნიშნებით თარიღდება გვიანდელი ფეოდალური ხანით.
ეკლესია ძლიერ დაზიანებულია; კედლები მცირე სიმაღლეზეა შემორჩენილი. ეკლესია დარბაზულია (5,3X3,8 მ), ნაგებია სხვადასხვა ზომის და ფორმის ქვიშაქვით. შესასვლელი სამხრეთიდან ჰქონია (შემორჩენილია წირთხლების ნაწილი). ნახევარწრიული აფსიდის ღერძზე ვიწრო სწორკუთხა სარკმელი ყოფილა.