საბრძოლო ჯგუფი
NPLG Wiki Dictionaries გვერდიდან
საბრძოლო ჯგუფი - საშტატო ან დროებითი სამხედრო ფორმირება, რომელიც განკუთვნილია საბრძოლო ამოცანის შესრულებისათვის.
პირველად შეიქმნა 1917 წელს გერმანიის და საფრანგეთის არმიების ქვეითი ჯარის ოცეულებში. I მსოფლიო ომის შემდეგ მსოფლიოს მრავალ ქვეყანაში ყველაზე დაბალი ტაქტიკური ერთეული. შედგებოდა მეტყვიამფრქვევეების და მსროლელების ათეულის ან რგოლისგან (10-20 ადამიანი და ერთი ხელის ტყვიამფრქვევით).
XX საუკუნის 30-იან წლებში ბევრ არმიაში საბრძოლო ჯგუფი გაუქმდა და ყველაზე დაბალ ქვედანაყოფად იქცა ათეული.
1957-58 წლებში აშშ-ისა და ზოგიერთი სხვა ქვეყნის არმიაში საბრძოლო ჯგუფი შეიყვანეს ქვეით და საჰაერო სადესანტო დივიზიებში პოლკების ნაცვლად (გაუქმდა 1962 წელს). ამჟამად საბრძოლო ჯგუფები არის კანადის, ფილიპინების ჯარებში, არგენტინის საზღვაო ქვეით ჯარში.
