რისკი

რისკი (ფრ. risque – საშიშროება)

1. განსახორციელებელი მოქმედების მარცხით დასრულების შემთხვევაში მოსალოდნელი საშიშროება; თვითონ ქმედება, რომელიც ასეთ საშიშროებასთან არის დაკავშირებული. განასხვავებენ უგუნურ რისკს, როდესაც მთელი იმედები დამყარებულია ალალბედზე, და გაცნობიერებულ რისკს, რომელსაც საფუძვლად უდევს ვარაუდი და მას ემყარება წარმატების რწმენა. რისკის ცნება გამოიყენება თამაშების და გადაწყვეტილებების მიღების თეორიებში.

2. უბედურების შედეგების ლიკვიდაციის ტერმინოლოგიაში – კონკრეტულ საფრთხესთან დაკავშირებული მოსალოდნელი დანაკარგები (სიკვდილის შემთხვევები, დაჭრა, ქონების დაზიანება და ეკონომიკური საქმიანობის მოშლა) განსაზღვრული რეგიონისთვის და საკონტროლო პერიოდში. რისკი არის საფრთხის ფაქტორების და მოწყვლადობის წარმოებული და ეფუძნება მათემატიკურ გათვლებს.

წყარო

ქართული სამხედრო ენციკლოპედიური ლექსიკონი