პროტოსტრონგილოზი
NPLG Wiki Dictionaries გვერდიდან
პროტოსტრონგილოზი – (protostrongylosis; აღმძვრელის გვარის დასახელება Protostrongylus + osis დაავადება), წვრილფეხა მცოხნელი პირუტყვის ჰელმინთოზი. აღმძვრელები პარაზიტობენ ბრონქებსა და ალვეოლებში. უპირატესად გავრცელებულია სამხრეთის ქვეყნებში.
სიმპტომები: პროტოსტრონგილოზი ძირითადად სუბკლინიკური ფორმით მიმდინარეობს, რა დროსაც მცირდება ცხოველის პროდუქტიულობა. გართულებისას, რაც გამოწვეულია მიკროფლორის მიერ, ვითარდება მწვავე პნევმონია. მას ერთვის ხველა, დიდი ოდენობით ნახველის გამოყოფა და გამონადენი ცხვირიდან.
