პროკრუსტეს საწოლი
NPLG Wiki Dictionaries გვერდიდან
პროკრუსტეს საწოლი – (ბერძნ.) ავაზაკ პროკრუსტესს (პროკრუსტეს) ჰქონდა ერთი საწოლი, რომელზეც აწვენდა ხოლმე შეპყრობილ მგზავრებს. თუ ისინი მოკლეები აღმოჩნდებოდნენ, ავაზაკი მათ ჭიმავდა, გრძელებს – ზედმეტ ნაწილს აჭრიდა. მანიით შეპყრობილი ეს ყაჩაღი მოკლა თესევსმა.
„პროკრუსტეს საწოლი“ ფრთიან გამოთქმად იქცა და იმ ხელოვნურ ჩარჩოს გულისხმობს, რომელშიც მოუთავსებელთა ჩატევა სურთ.