პოტერნა
NPLG Wiki Dictionaries გვერდიდან
პოტერნა – (ფრანგ. poterne < ლათ. posterula უკანა გასასვლელი), მიწისქვეშა დერეფანი (გალერეა, გვირაბი) საფორტიფიკაციო ნაგებობებს, ციხესიმაგრის ფორტებს ან გამაგრებულ საყრდენ რაიონებს შორის, აგრეთვე მასიური ნაგებობის შიგნით (მაგ., კაშხლის). აგებდნენ ქვის, აგურის, რკინაბეტონის, ლითონის კონსტრუქციების მეშვეობით. ჰიდროტექნიკურ ნაგებობაში პოტერნა არის ტექნოლოგიური დანიშნულების სათავსი ჰესის ქვედა ნიშნულზე გაჟონილი წყლის შესაკრებად და გასაყვანად ნაგებობის გარეთ.
