პამაჯის აქატის საბადო
NPLG Wiki Dictionaries გვერდიდან
პამაჯის აქატის საბადო – საბადო მდებარეობს ახალციხის მუნიციპალიტეტში, მდინარე ფოცხოვის ხეობაში, სოფ. პამაჯთან, ზ.დ. 1300-1600 მ სიმაღლეზე, ახალციხის რიკინიგზის სადგურიდან სამხრეთ-დასავლეთით 11 კმ მანძილზე. ახალციხის აქატის საბადოების ზონის სამხრეთული შტოა. წარმოდგენილია რამდენიმე უბნით; არალი, ბორბალო, გურა, ორჯანა და საძელი. საბადო ჰიდროთერმულია და უკავშირდება შუაეოცენურ პამაჯის წყებებს. აქატის წარმონაქმნები გაიდევნება ზოლისებრად, სიგრძე – 1.2-1.5 კმ, სიგანე – 230-250 მ. აქატი ნაცრისფერი და მოლურჯო ფერისაა. ადვილად მუშავდება. დამუშავების შედეგად ღებულობს სარკისებრ ზედაპირს. აქვს ტექნიკური და საიუველირო-სანაკეთო დანიშნულება.