ნატურალური რიცხვი

ნატურალური რიცხვი – მათემატიკის ერთ-ერთი ძირითადი ცნება – ყველა მთელი დადებითი რიცხვის სიმრავლეს N = {1, 2, 3, . . . }, ეწოდება ნატურალური მწკრივი. ე. ი. ნატურალური რიცხვი არის ნატურალური მწკრივის ნებისმიერი რიცხვი.

რიცხვთა „ბუნებრივ მწკრივზე“ ლაპარაკია ბერძენი მათემატიკოსის ნიკომახის ნაშრომში „არითმეტიკის შესავალი“ (ჩვ. წ. ა-ის I საუკ.). ეს წიგნი შემდგომში ლათინურ ენაზე გადათარგმნა და გადაამუშავა რომაელმა ავტორმა ბოეციამ (VI ს.), ამასთანავე, პირველად გამოიყენა ტერმინი „ნატურალური რიცხვი“ (numeri naturalis). ეს ტერმინი შემდგომში გვხვდება შუა საუკუნეების ზოგიერთ ხელნაწერში. თანამედროვე მნიშვნელობით ნატურალური რიცხვის ცნებას და ამ ტერმინს თანამიმდევრულად იყენებდა დალამბერი.

წყარო

მათემატიკის ენციკლოპედიური ლექსიკონი