ნათელაშვილი გელანა
NPLG Wiki Dictionaries გვერდიდან
გელანა ნათელაშვილი – მწყემსების მეთაური, ანუ როგორც ხშირად იხსენიება, „მწყემსთა სარდალი". ზოგ ვარიანტში შეცელილი სახელითა და გვარით გვხვდება: გიორგი დრეიძიშვილი, გელა ნათელაშვილი, გიორგი ვერძეული, გიორგა მეძღვარიშვილი... ყოფილა დუშელი, სოფელ ბაზალეთიდან. ჰყოლია ღორის კოლტი, რომელსაც მოჯამაგირეთა დახმარებით მწყემსავდა. გ. ნათელაშვილმა ლეკთა მარბიელ რაზმებთან ბრძოლაში ისე ისახელა თავი, რომ მისი ნახვა ერეკლეს მეფესაც მოუსურვებია. გელანა ნათელაშვილისადმი მიძღვნილი ხალხური ლექსი მესტვირულის ტიპიური ნიმუშია. ლექსი მხატვრული სახეებით არ გამოირჩევა, გვიზიდავს ამღერებული სტრიქონებით და ცხოვრებისეული სიმართლით.
ნ. შამანაძე
ლიტერატურა
- ზ. მთაწმინდელი, გელა ნათელაშვილი ერთგული რაინდი მეფე ერეკლესი, „დროება“, 1878 წ., №169;
- ვ. კოტეტიშვილი, ხალხური პოეზია, 1934, გვ. 209;
- ქს. სიხარულიძე, ქართული ხალხური საგმირო-საისტორიო სიტყვიერება, 1949, გე. 166;
- მისივე, ქართული ხალხური საისტორიო სიტყვიერება, II, 1964: გვ. 328;
- ნ. შამანაძე, ფოლკლორული ეტიუდები, 1970.
