მიკროკლინი
NPLG Wiki Dictionaries გვერდიდან
მიკროკლინი − (ბერძ. mikrós პატარა, მცირე და klínein დახრა), მინდვრის შპატების ჯგუფის მინერალი. უმნიშვნელო რაოდენობით შეიცავს მინარევებს (Ca, Ba, Fe, Rb, Cs). ჩვეულებრივ, ვარდისფერია, იშვიათად – თეთრი, მოყვითალო, მოცისფრო-მომწვანო; ელვარება - მინისებრი, სადაფისებრი. მიკროკლინის მსხვილ კრისტალებს, რომლებსაც პეგმატიტებიდან იღებენ, იყენებენ კერამიკულ წარმოებაში. მიკროკლინის მოცისფრო-მომწვანო სახესხვაობა ამაზონიტი – სანახელავო ქვაა.