ლიპარიტი (ქანი)

ლიპარიტი (რიოლითი) − (იტალ. lipari < იტალიის კუნძულ ლიპარის სახელის მიხედვით) – მაგმატური ვულკანური მთის ქანი, რომელიც ქიმიური შედგენილობით გრანიტს ჩამოჰგავს. შეიცავს კვარცის, პლაგიოკლაზისა და სანიდინის ჩანართებს. მდიდარია მინით, ხშირად აქვს პორფირისებრი წინწკლები. სიმკვრივე – 2300-2500 კგ/მ³. საშუალო ქიმიური შედგენილობა: SiO₂ – 73-78 % TiO₂ – 0,1-0,3 %, Al₂O₃ – 12-15 %, Fe₂O₃ – 0,1-2 %, FeO – 0,5-2 %, MgO – 0,1-1 %, CaO – 0,3-3 %, Na2O – 2-4 %, K2O – 1-6 %. გამოიყენება გზების მოსაკირწყლავად და სამშენებლო საქმეში.

წყარო

სამშენებლო ენციკლოპედიური ლექსიკონი