კოტურნები
NPLG Wiki Dictionaries გვერდიდან
კოტურნები – ფეხსაცმლის სახეობა ანტიკურ თეატრში, რომელსაც იცვამდნენ ტრაგედიის მსახიობები. კოტურნებს ჰქონდა ძალიან სქელი ლანჩები, რაც მსახიობს სიმაღლეს საგრძნობლად მატებდა. კოტურნების გამოყენება გაპირობებული იყო ანტიკური თეატრის დიდი მოცულობით. მაღალი ფიგურა მეტ სიდიადეს ანიჭებდა ტრაგედიის გმირებს, რაც მთლიანად შეესაბამებოდა მითის მოთხოვნებს. ანტიკური ტრადიცია კოტურნების (და აგრეთვე, ტრაგიკოსი მსახიობის ჩაცმულობის სხვა კომპონენტების შემოღებას) მიაწერს ესქილეს.
