კორდისკბილა (Euphrasia caucasica Juz.)
NPLG Wiki Dictionaries გვერდიდან
კორდისკბილა (Euphrasia caucasica Juz.) - ოჯახი: შავწამალასებრნი (Scrophulariaceae). ერთწლიანი ბალახოვანი მცენარეა, სიმაღლე – 5-35 სმ. ღერო, ძირითადად, მარტივია, შებუსულია თეთრი ხუჭუჭა ბეწვით. ფოთლები კვერცხის ფორმისაა, შებუსულია. ღეროსეული ფოთლები 3-5-ფხიანი კბილით ხასიათდება. გვირგვინი მოთეთრო ფერისაა, მუქი იისფერი ზოლებით. ზედა ტუჩი მკრთალი იისფერია, ქვედა ტუჩს ყვითელი ლაქა აქვს. ყვ. ნაყ. VI-VIII იზრდება ღორღიან ფერდობებზე და ბუჩქნარებში, მთის შუა და ზედა სარტყლებში. კახეთში მისი ნახვა შესაძლებელია მთა ცივის მიდამოებში, თელავის მიდამოებში, სოფელ ომალოსთან. საქართველოში სპორადულად არის გავრცელებული.
