კორდაკი
NPLG Wiki Dictionaries გვერდიდან
კორდაკი – საცეკვაო გამოსვლა ძველბერძნულ კომედიაში. გამოირჩეოდა სხეულის მოძრაობის უხამსობამდე მისული თავისუფლებით. ლუკიანეს მოწმობით („ბახუსი“), კორდაკს ასრულებდა რამდენიმე მონაწილე. კორდაკს კომედიაში ის ადგილი ეკავა, რაც ცეკვა ემელიას – ტრაგედიაში და სიკინიდას სატირების დრამაში. არისტოფანე „ღრუბლებში“ მიუთითებდა, რომ არ ხმარობს ასეთ უხეშ ხერხს მაყურებლის მოსაზიდად.