კვებრახო
კვებრახო – (ესპ. quiebra-hacha ნაჯახის მტვრევა), სუბტროპიკული ხის სახეობა, რომელიც ხარობს სამხრეთ ამერიკის კონტინენტზე. აქვს მუქი-წითელი ფერის, ძალიან მკვრივი მერქანი. სიმკვრივე – 1150-1350 კგ/მ3. არსებობს მისი ორი ძირითადი სახეობა: წითელი (წითელი კვერბახო და ტირიფისებრი წითელი კვერბახო) და თეთრი. წითელი ჯიშები გავრცელებულია არგენტინის ჩრდილოეთში, ბრაზილიის სამხრეთში, პარაგვაისა და ბოლივიაში. აქვს მაგარი მტკიცე მუქი წითელი ფერის მერქანი ტანინის 30%-იანი შემცველობით., ხოლო თეთრი გავრცელებულია არგენტინასა და ბრაზილიაში, მერქანს აქვს ღია-მოყვითალო ფერი და შედარებით წითელთან, ნაკლები სიმკვრივე (850 კგ/მ3). კვებრახო მიეკუთვნება უძვირფასეს ხის მასალას. გამოიყენება მშენებლობაში, ავეჯის წარმოებაში, სამომხმარებლო ძვირფასი ნივთებისა და დეტალების დასამზადებლად, აგრეთვე ფარმაცევტულ და სამედიცინო მრეწველობაში (ძირითადად ქერქი და ფისი).
