ილია მურომეცი
NPLG Wiki Dictionaries გვერდიდან
ილია მურომეცი – რუსული ბილინების (ნ) ცენტრალური გმირი. მის გარშემო შექმნილია ბილინების ყველაზე მრავალრიცხოვანი ციკლი.
ილია მურომეცი რუსი ხალხის იდეალი, მის საუკეთესო თვისებათა განსახიერებაა. გარეშე თუ შინაურ მტერთან ბრძოლაში იგი მუდამ სამშობლოს ინტერესების დამცველია. ილია მურომეცის სახე XI ს. II ნახევარსა და XII საუკ. ჩამოყალიბდა, XIV-XV საუკ. სოციალურ წინააღმდეგობათა გამძაფრებასთან დაკავშირებით, ილია მურომეცის ციკლში აისაა მისი კონფლიქტი ბოიარებთან და ხაზი გაესვა მის გლეხურ წარმოშობას. საუკუნეთა მანძილზე ილია მურომეცის ბილინები განაგრძობდნენ აქტიურ განვითარებას. ზოგი მათგანი XVII საუკუნეშიც შეიქმნა. ილია მურომეცის სახე ბილინების გარდა ზღაპარშიც გვხვდება.
ე. ვირსალაძე
ლიტერატურა
- ილია მურომეცი, მთარგმ. დავ. გაჩეჩილაძე, თბ., 1944;
- რუსული ხალხური ზღაპრები, თარგმ. მ. ლებანიძისა, ე. ვირსალაძის რედ., თბ., 1967;
