ივანე გრიგორის ძე ბურცოვის საფლავი
NPLG Wiki Dictionaries გვერდიდან
ივანე გრიგორის ძე ბურცოვის საფლავი - ისტორიული ძეგლი ქალაქ გორში ა. წერეთლის სახელობის სკვერი. რუსი დეკაბრისტი, რუსეთ-ირანის (1826-28 წწ.) და რუსეთ-თურქეთის (1828-29 წწ.) ომების სტრატეგიული გეგმების ავტორი, გენერალ-მაიორი ი. გ. ბურცოვი (1795-1829 წწ.) დაასაფლავეს 1829 წ. გორის ტაძარში (დაინგრა XIX ს-ში, მიწისძვრის დროს). საფლავის ქვაზე შემორჩენილია ი. ბურცოვის ბიოგრაფიული ცნობების შემცველი ვრცელი წარწერა და ეპიტაფია.