ვლადიმიროვკა
ვლადიმიროვკა, (ვლადიმირსკოე, პუბლიკანი, მახაროკანი, მახაროსი) – სოფელი სამხრეთ საქართველოში, ნინოწმინდის მუნიციპალიტეტში, ფოკის თემში, მდინარე ფარავნის ტბის სამხრეთ-დასავლეთ ნაპირას, ზღვის დონიდან 2070-2100 მ სიმაღლეზე, ქ. ნინოწმინდიდან 35 კმ მანძილზე.
მოსახლეობის რიცხოვნობა – 174, რიცხობრივად უპირატესი ეროვნება – სომხები (2002). საქართველოს მთავრობის 2015 წლის N 671 დადგენილების მიხედვით შესულია მაღალმთიან დასახლებათა ნუსხაში. მიდამოები უტყეოა. XIX საუკუნეში აქ დუხობორები დასახლდნენ. სოფლიდან დასავლეთით შემორჩენილია 2.1 მ სიმაღლის მენჰირი – „სარქისის ქვა” და დარბაზული ეკლესიის ნანგრევები. ძველი ქართული სახელია „მახაროვანი”, „მახაროსი”. XIX საუკუნეში რუსი სექტანტების აქ დასახლების შემდეგ წარმოიქმნა რუსეთის გუბერნიების ქალაქ ვლადიმიროვის პარალელური სახელი: „ვლადიმიროვკა".
