ვისკოზური ბოჭკო
NPLG Wiki Dictionaries გვერდიდან
ვისკოზური ბოჭკო – ხელოვნური ბოჭკო, რომელიც მიიღება ვისკოზას ფორმირებით. დანიშნულების მიხედვით გამოდის უწყვეტი ძაფის ან შტაპელის სახით. ვისკოზური ბოჭკო მდგრადია ორგანული გამხსნელების მიმართ; იშლება ნორმალურ ტემპერატურაზე განზავებული მჟავების ზემოქმედებით. ვისკოზური ბოჭკოს ნაკეთობა ხანმოკლე დროით შეიძლება გამოვიყენოთ 100-120°C ტემპერატურაზე. ხასიათდება დაბალი ელასტიკურობით და დასველებისას კარგავს სიმტკიცის 25-30%. ვისკოზური ბოჭკოს ქსოვილები გამოირჩევა კარგი შესახედაობით, ადვილად იღებება სხვადასხვა ფერად. მაღალი ტენშთანთქმის უნარის გამო სხვა სინთეზური ბოჭკოების ქსოვილებისაგან გამოირჩევა კარგი ჰიგიენური თვისებებით.
