ეონი
NPLG Wiki Dictionaries გვერდიდან
ეონი – (აიონი). (ბერძნ.) მარადიული დროის განსახიერება. ქრონოსის ძე, დიკეს ძმა.
ორფიკოსებთან ეონი ნიქსის (ღამის) ძეა და ზევსის მრჩეველი. ფილოსოფოსები მას მიხრწნილ ბერიკაცად წარმოადგენდნენ, რომელიც გამუდმებით აბრუნებდა დროის ბორბალს.
გვიანრომაული წარმოდგენების თანახმად, მიწყივაღორძინებადი ეონი შვა ისისმა (ისიდამ), ძველეგვიპტურმა ღვთაებამ. ალექსანდრიაში ეონის დაბადების დღე აღინიშნებოდა ახალი წლის დადგომისთანავე (6 იანვარს). ზეიმის მონაწილეებს ისისის ტაძრიდან გამოჰქონდათ ეონის გამოსახულება შეძახილით: „იშვა ეონი ქალწულისაგან“.
ეონს წარმოსახავდნენ მოგრძო სახის მქონე ფრთაგამოსხმულ კაცად.
