ენიკი ლეონ
NPLG Wiki Dictionaries გვერდიდან
ლეონ ენიკი – (ფრანგ. Léon Hennique, 1851-1935), ფრანგი მწერალი, დრამატურგი. თანამშრომლობდა ა. ანტუანთან, რომელმაც „თავისუფალ თეატრში“ დადგა მისი პიესები „ჟაკ დამური“ (ე. ზოლას ნოველის მიხედვით) და „ესტერ ბრანდესი“. ნატურალისტური ესთეტიკით დაწერილი ეს პიესები საფუძვლად დაედო „თავისუფალი თეატრის“ პროგრამას პირველ ეტაპზე. დრამამ „ჰერცოგ ანგიენელის სიკვდილი“, ანტუანის აზრით, ხელი შეუწყო ისტორიული დრამატურგიის აღორძინებას და განახლებას. ამ პიესების დადგმამ, პარიზის სხვა თეატრების ყურადღება მიიპყრო. სხვადასხვა თეატრებში დაიდგა მისი პიესები „მატყუარა“ (ა. დოდესთან ერთად), „სხვისი ფული“, „ჟარნაკი“ (ჟ. გრავიესთან ერთად) და სხვ.