გრაიები
NPLG Wiki Dictionaries გვერდიდან
გრაიები – (ბერძნ.) სიბერის განმასახიერებელი ღვთაებები, ფორკისის ასულები, გორგოების დები.
ჰესიოდე მხოლოდ ორ გრაიას მოიხსენიებს (პეფრედოსა და ენიოს). ძვ.წ. V საუკუნის ავტორები კიდევ ერთ გრაიას, დეინოს გვისახელებენ. მითოსის თანახმად, დაბადებიდან ჭაღარა თმით მოსილ გრაიებს, სამთავეს ერთი თვალი და ერთი კბილი ჰქონდათ, რომლითაც რიგრიგობით სარგებლობდნენ.