კობრი
NPLG Wiki Dictionaries გვერდიდან
(გადმომისამართდა გოჭა (თევზი)-დან)
კობრი, გოჭა – (Cyprinus carpio Linne), თევზი კობრისებრთა ოჯახიდან. ბინადრობს მდინარე მტკვარში, ფარავნისა და საღამოს ტბებში. ხელოვნურად გადაყვანილია ტაბაწყურის ტბაში. სწრაფად მზარდი და მაღალპროდუქტიული სახეობაა. იკვებებიან უხერხემლო ცხოველებითა და მცენარეებით. ფართოდ იყენებენ ტბორულ მეურნეობაში. გამოყვანილია სატბორო ჯიშები. მტკნარი წყლის თევზების ჭერაში საქართველოში მას დიდი ადგილი ეკავა. მთელი ქვეყნის მასშტა ბით, 1940-1960 წლებში იჭერდნენ 400 ცენტნერს ყოველწლიურად.
