გაფართოებადი ცემენტი

გაფართოებადი ცემენტი − ცემენტი, რომელიც მიიღება პორტლანდცემენტის (69-75%), ნახევარწყლიანი თაბაშირის (9-11%) და სპეციალური სულფოალუმინატური დანამატის (16-20%) საფუძველზე. ასეთი ცემენტის ხაზოვანი გაფართოება შეადგენს 4-5%. გამოიყენება შენობათა კონსტრუქციებსა და დეტალებს შორის პირაპირებისა და ღრეჩოების შესავსებად, ჰესების სადაწნეო გვირაბების აღდგენა-შეკეთებისათვის, ჭაბურღილების გასამაგრებლად გამოყენებული სატამპონაჟო ხსნარების მოსამზადებლად და სხვ.

წყარო

სამშენებლო ენციკლოპედიური ლექსიკონი