ბრტყელი სახურავი
NPLG Wiki Dictionaries გვერდიდან
ბრტყელი სახურავი (ინგლ. flat roof) – უმნიშვნელო ქანობის (ფაქტობრივად ჰორიზონტალური) სახურავი, რომელიც ფართოდ არის გავრცელებული სამოქალაქო და სამრეწველო მშენებლობაში. ქანობიანი სახურავისგან განსხვავებით, ბრტყელ სახურავებში არ გამოიყენება ბურულის ცალობითი და ფურცლოვანი მასალა. აქ საჭიროა ისეთი მასალის გამოყენება, რომელიც შექმნის სახურავის ხალიჩის უწყვეტ ზედაპირს (ბიტუმი, ბიტუმ-პოლიმერი, პოლიმერი, მასტიკა და სხვ.). ტრადიციულად გამოიყეენება ნაკლებნალექიან რეგიონებში. თანამედროვე წყალუჟონადი ბურულის მასალის დახმარებით შესაძლებელია დიდი ფართობის სახურავების მოწყობა. თანამედროვე არქიტექტურაში გავრცელებულია მრავალმხრივი დანიშნულების ტერასული ბრტყელი სახურავები.