ბინომი

ბინომი (ტერმინი წარმოიშვა ორი სიტყვიდან: ლათინური bi - ორი და ბერძნული νομοσ – არე, ნაწილი, წევრი.) – ორწევრი, ორი ალგებრული გამოსახულების ჯამი ან სხვაობა (a-b; 5x+2y²). ბინომის ხარისხს, ე.ი. (a+b)ⁿ გამოსახულებას ნიუტონის ბინომს უწოდებენ.

სახელწოდება „ბინომი“ შემოიღო ევკლიდემ. იტალიელი მათემატიკოსი ნიკოლო ტარტალი სახელწოდება „ბინომს“ იყენებდა ax^m+bxⁿ გამოსახულებისათვის (1556). სიტყვამ დღევანდელი აზრი ორი წევრის ალგებრული ჯამი – მიიღო ნიდერლანდელი მათემატიკოსისა და ინჟინრის ს. სტევინის დროიდან (1585).

წყარო

მათემატიკის ენციკლოპედიური ლექსიკონი