ეგნატაშვილი ბერი
NPLG Wiki Dictionaries გვერდიდან
(გადმომისამართდა ბერი ეგნატაშვილი-დან)
ეგნატაშვილი ბერი – (XVIII ს.), ისტორიკოსი, ვახტანგ მეექვსის „სწავლულ კაცთა“ კომისიის წევრი. როგორც ცნობილია, „ახალი ქართლის ცხოვრება“ (XIV-XVII საუკუნეთა ისტორიული ამბები) ვახტანგისგან შეყრილ „სწავლულ კაცთა“ მიერ შედგენილი კოლექტიური ნაშრომია. ამავე დროს ძეგლის ჯანაშვილისეული ხელნაწერის ერთი მინაწერი გვაუწყებს „ამას ქვემოთ ამ წიგნში ყველა სწორედ არ უწერიათ. ღმერთმან მიუტეოს ეგნატაშვილს ბერს იმდენი შურით და მტრობით სიცრუე“. ი. ჯავახიშვილი „ახალ ქართლის ცხოვრებას“ კოლექტიურ ნაშრომად მიიჩნევდა, ხოლო ეგნატაშვილის შესახებ წერდა: „ის ან კომისიის მეთაური და ხელმძღვანელი იქნებოდა, ან მისი მდივანი და საერთო ნამუშევარის და კვლევა-ძიების აღმწერელი“.
ტექსტი და ლიტერატურა
- ეგნატაშვილი ბერი, ახალი ქართლის ცხოვრება, XVIII ს. დამდეგამდე, ი. ჯავახიშვილის წინასიტყვითა და რედაქციით, თბ., 1940.
