ბარათაშვილი ზაალ
NPLG Wiki Dictionaries გვერდიდან
ბარათაშვილი ზაალ – (მე-18 ს მე-2 ნახევარი — XIX ს 1-ლი ნახევარი), პოეტი, საზოგადო მოღვაწე. იყო ერეკლე მეორის მდივანბეგ-სარდალი. საქართველოს რუსეთთან შეერთების შემდეგ კნორინგმა დაუმტკიცა ეს თანამდებობა. 1803 წ. დავით ბატონიშვილს გაჰყვა რუსეთში. ჰქონდა „ნადვორნი სოვეტნიკის“ წოდება.
ზაალ ბარათაშვილის პოეტური მემკვიდრეობა ძირითადად სატრფიალო ლირიკით ამოიწურება. ამ ლექსთა გმირი გახელებული მიჯნურია, რომელიც თავის სატრფოს ვარდბულბულიანური პოეზიის საფერი ეპითეტებით ამკობს.