ახალციხის აქატის საბადო
NPLG Wiki Dictionaries გვერდიდან
ახალციხის აქატის საბადო – მდებარეობს ახალციხის მუნიციპალიტეტის ტერიტორიაზე, ახალციხის ქვაბულში, სოფლების ბოგის და გიორგიწმინდის სიახლოვეს, ზღვის დონიდან 850-1600 მ სიმაღლეზე. აქ აქატშემცვლელი ქანების ორი ზოლია, წარმოდგენილი ახალციხის ქვაბულის ორივე კალთაზე – შურდოსა და პამაჯ-ზიარეთის. ორივე დამოუკიდებელ საბადოებადაა მიჩნეული. წყებებში გვხვდება ხის ნაშთებიც. აქატის სამრეწველო მოპოვება აქ ამჟამად არ მიმდინარეობს, თუმცა ცალკეული მეწარმეები და მოყვარულები საბადოზე დამუშავებული სამთო მასიდან იღებენ აქატის ნამტვრევებს.