ატილა
NPLG Wiki Dictionaries გვერდიდან
ატილა (Attila) (406-453) – ჰუნების წინამძღოლი 434 წლიდან, რომელსაც ემორჩილებოდა აგრეთვე არაერთი გერმანული, სლავური და სარმატული ტომი. ტომთა გაერთიანების ცენტრი მდებარეობდა პანონიაში (ახლანდელი უნგრეთის ტერიტორიაზე).
443, 447-448 წლებში ილაშქრა აღმოსავლეთ რომის იმპერიაში, ააოხრა ბალკანეთის პროვინციები და კონსტანტინოპოლამდე მივიდა. 451 წელს შეიჭრა გალიაში, მაგრამ დამარცხდა რომაელთა და გერმანელ ტომთა გაერთიანებულ ძალებთან ბრძოლაში. 452 წელს ხელახლა ილაშქრა დასავლეთ რომის იმპერიაში და დაარბია ჩრდილოეთ იტალია. ატილას სიკვდილის შემდეგ ჰუნთა გაერთიანება ერთბაშად დაიშალა.
