არსენი (კალიგრაფი)

არსენი – (XII ს.) ქართველი კალიგრაფი. მისი გადაწერილია ოთხთავი (H 1707), რომლის დამკვეთია ვარდან ავლეველი. ხელნაწერი გადაწერილია ნუსხურით ორ სვეტად, ლამაზი კალიგრაფიული ხელით, მუქი ყავისფერი მელნით. კამარები, ასევე ყოველი სახარების წინ მოთავსებული თავსამკაულები და ადამიანის სტილიზებული ფიგურებისა და მცენარეული მოტივებისაგან შედგენილი სახარებათა ტექსტის პირველი საზედაო ასოები, შესრულებულია ლურჯი და ოქროსფერი საღებავებით. ხელნაწერში შემორჩენილია ორი მინიატიურა: მჯდომარე ლუკა მახარებელი და იოვანე მახარებელი, რომელიც პროხორეს კარნახობს.

ვ. სილოგავა

ლიტერატურა

• ბერიძე ვ., ძველი ქართველი ოსტატები, თბ., 1967.

არსენი მრავალმნიშვნელოვანი

წყარო

• საქართველოს მართლმადიდებელი ეკლესია:ენციკლოპედია