ამჰარა
NPLG Wiki Dictionaries გვერდიდან
ამჰარა (ქοაცο) - ფაცხის ტიპის, მარტივი ფორმის, მცირე ზომის, კონუსურ სახურავიანი, საცხოვრებელი ნაგებობა (კერის გარეშე), რომელიც ახალგაზრდა საქორწინო წყვილებისთვის იყო განკუთვნილი. იგი დიდი სახლის უკან, ერთი მეტრის დაშორებით იდგა. ამ საცხოვრებლის გამოყენებას მას შემდეგ ჩაეყარა საფუძველი, როდესაც დიდ ოჯახში ათააცვა დუ კერძო საკუთრების ჩანასახი გაჩნდა, რაც სწორედ საზოგადოებრივ-ეკონომიკური ყოფისა და საკუთრების ფორმების განვითარებამ, შრომითი საქმიანობის განაწილების სისტემამ, თაობათა რიცხობრივი შემადგენლობის ზრდამ, მემკვიდრეობის უფლების ჩამოყალიბებამ, ოჯახის რღვევის პროცესმა განაპირობა. სიტყვა ამჰარა „არმოსმენას“ აღნიშნავს.
