აზაილი

აზაილი – (ხაზაელი, დაახლ. ძვ.წ. 842-805) – არამის მეფე. ხაზაელი ბენადიდის მეფობის დროს ქვეყნის ერთ-ერთი ყველაზე გავლენიანი დიდებული იყო.

ბიბლიის მიხედვით მას წინასწარმეტყველმა ელისემ უწინასწარმეტყველა გამეფება და ისრაელზე გამარჯვება. მართლაც ხაზაელმა მოკლა ბენადიდი და არამის მეფე გახდა. მან დაიწყო ისრაელთან ომი. ებრძოდა ისრაელის მეფე იორამს და იუდეის მეფე ოხოზიას. მან დაამარცხა, და დახოცა ორივე მეფე და ისრაელში შეიჭრა. ამას მოჰყვა ასურელების გამოჩენა ახლო აღმოსავლეთში. არამელებს მათი შეჩერება მოუწიათ, თუმცა მხოლოდ დროებით. ხაზაელი არ ასვენებდა ისრაელიანებს, მან თითქმის მთელი ქვეყანა გააჩანაგა დაამარცხა ისრაელის ჯარი და დიდი დანაკლისი მიაყენა. ხაზაელმა შეუტია იუდეას და იერუსალიმის შეუქმნა საფრთხე. ამან აიძულა მეფე იოაში ხარკი გადაეხადა არამელებისთვის, რომელშიც უფლის ტაძრი და მეფის სასახლის მთელი სიმდიდრეც შედიოდა.

ხაზაელი დაახლოებით ძვ.წ. 805 წელს გარდაიცვალა. არამის ტახტზე მისი მემკვიდრე, ბენადიდი ავიდა, რომლის დროსაც დაიწყო არამის დაცემა.

წყარო

ბიბლიის სამხედრო ენციკლოპედია