ერზაკიანი არამის

ერზაკიანი არამის - (1880, ტფილისი - ?) - სოციალ-დემოკრატი. საქართველოს დემოკრატიული რესპუბლიკის ეროვნული საბჭოს (პარლამენტის) წევრი.

საშუალო განათლება თბილისში მიიღო. ადრეული წლებიდან ჟურნალისტად მუშაობდა პარტიულ პრესაში. იყო სოციალ-დემოკრატიული პარტიის მენშევიკური ფრაქციის წევრი.

1918 წლის ოქტომბერში საქართველოს დემოკრატიული რესპუბლიკის პარლამენტის მიერ სომეხთათვის გამოყოფილი კვოტით შევიდა პარლამენტში, წევრად დაასახელა სოციალ-დემოკრატიულმა მუშათა პარტიამ.

სხვა ბიოგრაფიული მონაცემები არ იძებნება.

ირაკლი ირემაძე

ლიტერატურა

• სცსა, ფ. 1836, აღწ. 1, საქ. 109, 119;
• გაზ. „ერთობა“, 1918, №207.

წყარო

საქართველოს დემოკრატიული რესპუბლიკა (1918-1921) ენციკლოპედია-ლექსიკონი