დილემა
NPLG Wiki Dictionaries გვერდიდან
დილემა (ბერძნ. dilemma – ორჯერადი გზავნილი) – რჩევანი, რომლის წინაშე დგას გმირი, როცა უჭირს მიიღოს გადაწყვეტილება ორ ურთიერთსაწინააღმდეგო და ამავდროულად სასურველი ქმედების წინაშე.
დილემა განსაკუთრებით ნიშნეულია კლასიცისტური დრამატურგიისათვის, სადაც ერთმანეთს უპირისპირდებიან გმირის სურვილი (გრძნობა) და მოვალეობა. დილემა ტრაგიკული კონფლიქტების ერთ-ერთი გამომწვევი მიზეზთაგანია.
