კავშირგაბმულობის არხი
NPLG Wiki Dictionaries გვერდიდან
12:28, 13 აპრილი 2018-ის ვერსია, შეტანილი Tkenchoshvili (განხილვა | წვლილი)-ის მიერ
კავშირგაბმულობის არხი - გადამცემი და მიმღები ტექნიკური მოწყობილობები და სიგნალების გავრცელების არე, რომელიც კიდური მიმღებ-გადამცემი აპარატურის ჩართვისას ერთი ან მეტი კავშირის განხორციელების საშუალებას იძლევა.
კიდური აპარატურის მიხედვით კავშირგაბმულობის არხები არის: სატელეფონო, სატელეგრაფო, ფაქსიმილური, ტელეკოდური, სატელევიზიო და სხვა. საკაბელო საშუალებების და სიგნალის გავრცელების არის მიხედვით - სადენებიანი, რადიოარხი და კომბინირებული კავშირგაბმულობის არხები. ასევე განსხვავდებიან ხაზებში გადასაცემი სიგნალების ხასიათით და გატარების შესაძლებლობით ან მათი გადაცემის სიჩქარით. კავშირგაბმულობის არხი შეიძლება იყოს სიმპლექსური და კომპლექსური.