ანკილე
NPLG Wiki Dictionaries გვერდიდან
11:49, 6 ივლისი 2017-ის ვერსია, შეტანილი Tkenchoshvili (განხილვა | წვლილი)-ის მიერ
ანკილე – (რომ.) მარსის ფარი.
ლეგენდის თანახმად, ანკილე ციდან ჩამოვარდა. რომის მეფემ ნიმფა ეგერიასგან შეიტყო, რომ ეს ფარი უნდა ინახებოდეს, როგორც რომის უსაფრთხოების თილისმა. მეფემ ბრძანა კიდევ 11 ზუსტად ასეთივე ფარის გაკეთება, რათა ვერავის შეძლებოდა მათში ნამდვილი თილისმის ამოცნობა. ანკილეებს ინახავდნენ სალიები, რომლებიც წელიწადში ერთხელ მხედრული ცეკვებით ჩამოატარებდნენ ხოლმე მათ რომში.
