ეგერია
NPLG Wiki Dictionaries გვერდიდან
ეგერია – (რომ.) წყაროს ნიმფა რომაულ მითოსში.
ეგერია ნუმა პომპილიუსის მეუღლე იყო. სწორედ მისი რჩევით დააწესა პომპილიუსმა რელიგიური კულტები რომში. მეუღლის გარდაცვალების შემდეგ ეგერია გარდაისახა წყაროდ, საიდანაც წყალს იღებდნენ ვესტალები. რომაელები ეგერიას მშობიარეთა მფარველად მიიჩნევდნენ. მოგვიანებით მისი კულტი დიანას კულტს შეუერთდა.