ერუშეთის მთიანეთი
NPLG Wiki Dictionaries გვერდიდან
01:13, 2 მაისი 2024-ის ვერსია, შეტანილი Tkenchoshvili (განხილვა | წვლილი)-ის მიერ
ერუშეთის მთიანეთი, (ერუშეთის მასივი) – ტექტონიკურ-ვულკანური მთიანეთი სამხრეთ საქართველოს ვულკანური ზეგნის დასავლეთ ნაწილში, ასპინძისა და ახალციხის მუნიციპალიტეტებში. ვრცელდება თურქეთის ტერიტორიაზეც. მთიანეთის დასავლეთ ნაწილში შემოდის ერუშეთის ქედის ჩრდილო-აღმოსავლეთი კალთები.
ერუშეთის მთიანეთი აგებულია ნეოგენური გოდერძის წყებით – ლავებითა და ტუფებით. ლავათა შემადგენლობა ცვალებადობს ბაზალტიდან ანდეზიტ-დაციტამდე. უმაღლესი მწვერვალია გუმბათი (2963 მ). აღსანიშნავია აგრეთვე მაღალი მთები – შაბანიბელი, ვანისმთა და შუაკარავი. ერუშეთის მთიანეთი დანაწევრებულია მტკვრის მარცხენა შენაკადების ხეობებით. 2000 მ სიმაღლემდე შემოსილია შერეული ტყით, თხემური ზონა სუბალპური და ალპური მდელოებსა და მდელო-სტეპებს უკავია. (ლ. მარუაშვილი)
წყარო
ქართული ენციკლოპედია
