ყანის მატკვარცანა
NPLG Wiki Dictionaries გვერდიდან
00:04, 21 ნოემბერი 2023-ის ვერსია, შეტანილი Tkenchoshvili (განხილვა | წვლილი)-ის მიერ
Lathyrus aphaca L. – ყანის მატკვარცანა.
ერთწლოვანი ბალახოვანი მცენარეა 15-60 სმ სიმაღლის. ღეროები მრავალრიცხოვანია, სუსტი, დატოტვილი, წამოწეული ან მხოხავი, ულვაშების მეშვეობით. ფოთოლი შედგება 2 დიდი ზომის ოვალური თანაფოთლისაგან და პწკალებად გადაქცეულ ფოთლებისაგან, ზედა მხარეს მუქი მწვანეა, ქვედაზე მოთეთრო-ლეგა. ყვავილები შეკრებილია მტევნებად, გვირგვინი ყვითელია. ნაყოფი მშრალი პარკია. ყვ. V-VII; ნაყ. VII-VIII.
იზრდება მთის შუა სარტყლამდე მდელოებზე, ტყის პირებზე, ნათესებში და რუდერალურ ადგილებზე. სამღებრო, თაფლოვანი, ფრინველებისა და ღორების საკვები მცენარეა.