ბაბლუარა
NPLG Wiki Dictionaries გვერდიდან
12:08, 23 სექტემბერი 2022-ის ვერსია, შეტანილი Tkenchoshvili (განხილვა | წვლილი)-ის მიერ
ბაბლუარა – (Swertia iberica Fisch. Ex Boiss.); ოჯახი: ნაღველასებრნი (Gentianaceae). მრავალწლიანი ბალახოვანი მცენარეა, ღერო სწორად მდგომია, მარტივი. იშვიათად – ზედა ნაწილში ოდნავ დატოტვილი. მცენარის სიმაღლე 20-80 სმ-ია. ფესვთანური და ქვედა ფოთლები ფართო-ელიფსურია ან მოგრძო-კვერცხისებური. ღეროსეული ფოთლები მოკლეყუნწიანია, რიგ-რიგად განწყობილი, ლანცეტა ფორმის. ყვავილედი საგველასებურია. გვირგვინი მოთეთრო ყვითელია ან მკრთალი ცისფერი. ჩვეულებრივ, მუქი წინწკლებით მოფენილი. ყვ. ნაყ. VI-VIII. მაღალმთის მცენარეა, იზრდება მდინარეთა გაყოლებებზე, ტენიან მდელოებსა და ტყის პირას, მისი ნახვა შესაძლებელია თუშეთის დაცულ ტერიტორიაზე, სოფელ დართლოსკენ მიმავალ გზაზე. გავრცელებულია მთელ მაღალმთიან საქართველოში.