ნევიუსი გნეუს

გნეუს ნევიუსი − (ლათ. Gnaeus Naevius, დაახლ. 280-201 ძვ.წ.), რომაელი პოეტი. შექმნა ახალი ჟანრი დრამატული პოეზიის სფეროში ე.წ. პრეტექსტა (ტრაგედია ძველრომაულ სიუჟეტზე). ცნობილია მისი პრეტექსტების ორი სახელწოდება: „რომული“ – რომის დაარსების ლეგენდის მიხედვით და „კლასტიდიუსი“ – გალებთან ომის (222 ძვ.წ.) ამსახველ თემაზე. წერდა, აგრეთვე, კომედიებსაც. ბერძნული ორიგინალების დამუშავების დროს პირველმა გამოიყენა კონტამინაციის ხერხი. მის კომედიებში მრავლად იყო პოლიტიკური თავდასხმები. მისი თხზულებების მხოლოდ ფრაგმენტებია შემორჩენილი.

წყარო

მსოფლიო თეატრის ენციკლოპედიური ლექსიკონი