ამირეჯიბი გიორგი

20:11, 8 იანვარი 2019-ის ვერსია

ამირეჯიბი გიორგი სარდიონის ძე - (1880 - 25.I.1919) - გენერალი. სამხედრო განათლება მიიღო სანკტ-პეტერბურგში. იყო პირველი მსოფლიო ომის მონაწილე. 1918-1919 წლებში მსახურობდა ქართულ ჯარში. მონაწილეობდა აფხაზეთში და შავიზღვისპირეთში გენერალ მაზნიაშვილის ხელმძღვანელობით ჩატარებულ სამხედრო ოპერაციებში. ტუაფსეს აღებისთვის მიენიჭა გენერლობა (1918). გარდაიცვალა ავადმყოფობის შედეგად.

მიხეილ ბახტაძე

ლიტერატურა

მ. გოგიტიძე, გ. ბეჟიტაშვილი, სამხედრო ფიცის ერთგულნი, თბ., 2015.

წყარო

საქართველოს დემოკრატიული რესპუბლიკა (1918-1921) ენციკლოპედია-ლექსიკონი